Nokre av høgtidene feirer vi felles mellom sokna. Komande 1. pinsedag er det Ørskog som står som vertar. Vi feirer pinseunderet i lag i Storfjord- katedralen!
Jan Kristian Behrentz vil leie gudstenesta, og vi vonar mange vågar seg over soknegrensa til Ørskog. Pinsedag har diverre vore ein dårleg besøkt gudstenestedag i begge sokna. Vi vonar at vi kan snu trenden og satsar på at det i alle fall doblar seg med oppmøte denne dagen. Lat oss fylle bilane og dele fellesskap på tvers av soknegrensene.